أناشيد قديمه دايم اقولها

السلام عليكم ورحمة الله وبركااته


سيارة حمرا......وراها ماطور
عجل عجل يادكتور........ديدأمك هالطول




دور دور ياعصفور.......فاطمة بنت الرسول
عندها ورق حنا.........تكتب على باب الجنة
والجنة ماأحلاها........ربي إعطيني إياها






أبويه راح المكة.......شرى لي ثوب العكة
حطيته في صندوقي.....وصندوقي ماله مفتاح
والمفتاح عند الحداد.........والحداد يبي افلوس
والفلوس عند العروس......والعروس تبي اعيال
والعيال يبون حليب...........والحليب عند البقر
والبقر يبون حشيش .........والحشيش فوق الجبل
والجل يبي مطر .................والمطر من الله
الله يسلم عبد الله




غزالة غزلوكي.........في الماي دعبلوكي
قاعدة على الشط............قاعدة اتمشط
جاها الرومي ............قال لها قومي
قالت ماقومه..............إلا بحصاني
أشده واركب..........تحت السكركب
سكركب البرية.......سكركب البرية




سيايير خربانة..........جا بوحمود ودانه
عزمنا بوكشة............ولاجا يتعشى




كروز أومليته ........خذته ودعدعيته
في غرفة المملية.........هذا حسن عطية
عطية بطة بطة..........والله يلعن من حطه
ماحطته إلا اسويرة........واسويرة راحت البر
اتجيب عيش الخضر........واتحطه في الصواني
خوالي يادلالي...........يامضيعدي وهلالي
بيت العجوز احترق......صبوا عليه جدر مرق
أمي تناديني.............تبقي تحنيني
في ملة الصيني............صيني على صيني
ياربي تعطيني...........وأزور بيت الله
واشوف حبيب الله





صابونة وردية ......اتغسل ابنية
مب راضي أبوها........إلا بألف ومية
راحت الجمعية........ وعطوها ببسيه




يافاطمة ........ياعائشة
اش تأكلي .......حب الذرة
اش تشربي .......ماء الهنا
عندك عروسة ....حلوة ومروسة




بطة يابطة.......شيلي الشنطة
شنطة خفيفة ......زي الريشة
تلعب كورة......في راس تنورة



شعري طويل ياماما........شعري طويل
بيطلع ليمون ياماما.......بيطلع ليمون
خالي فواز ياماما .........خالي فواز
عطا الفقير ياماما........عطى الفقير



طيارة طارت في السما العالي.......فيها أبلة جميلة البلادي
طلت عليا من ورى السلة......حلوة وجميلة والشعر فلة

.....



سنبوسه ياسنوبسه وين انتي محبوسه
محبوسه في العماره
نطت علي الفاره والفاره هندي هندي والليله تتعشى عندي


......


شبت حريقه بيت خديجه

جاو المطافي الله يكافي




....





اكريز امي مليته خذته ودعدعيته
في حجرة مليه فيها حسن عطيه
عطيه وش حملته حملته براس بطه بطه
الله يلعن من حطه ماحطته ألا قريعه
وقريعه راحت البر تلقط حب الاحمر
الا بجيت خوالي خوالي يادلالي
دق الفرس بالناقه وعبيد بوطرباقه
شرب حليب الناقه ودبيبته منفوخه
ياربي تسلم روحه



.........

واحد اثنين..........عمي حسين
ثلاثة أربعة..........في المزرعة
خمسة سته.........حامل بنته
سبعة ثمانية.........ياكل بامية
تسعة عشرة..........عد للعشرة


ههههههه

والله كنااا داايم نقوولهم

اااه على اياام زمااان

بيجننواانااشيدنا هع

اناااشيد رووووعه بصراحه
احسن من اناشيد الحين
ياحلاوة هذيك الايام والله
وحنا نسرح ونمرح بالشوارع بدون اي خوف من اهالينا
الحين الطفل حتى من عند باب البيت تخاف عليه
الله يعين بس ..

يعطيك العافيه خيوووووووه
ما ننحرم منك يارب
حاااااااااافظك ربي


واحد اثنين..........عمي حسين
ثلاثة أربعة..........في المزرعة
خمسة سته.........حامل بنته
سبعة ثمانية.........ياكل بامية
تسعة عشرة..........عد للعشرة

صادق اخوي في كلامك
تسلم على مرورك
ســــلامي

ههههههههههههههههههـ
وقسسسسسسسسم بالله آكشن ..
للحين ساعات أحس حالي اذا سيهت اقولهم~>ماتتخلى عن تراثها البنت ..
لاهنتي غلاتو ع الطرح المغبر ..
ودي ..}

ايه والله اناشيد ولالااروع الله يرحم ايااام زمان
جد ايااااام ماتتعوض

يسلمووو على الطرح المميز

ههههههههههههه ..

عزمنا بوكشة............ولاجا يتعشى

<<< ذكرتني بــموقف ..

دلووعــه تذكــري يووم تعزمناا ليوونهـ و بعــدين هي ما تحضر العزوومـــه ..

والله كاانت خوووش أنــااشييييد مو الحيييين يا داافع البلاء ..

يسلموو دلوووعــه ع الطرح ..

تحيااااتــــــي ..

Moon Girl

ههههههـ
كششخه والله حلوين
يسسلمو دلوعه ع الطرح
لآعدمنآك
.
.
.
.
sokrah

يسلموا خيه على الطرح الرائع

ربي يعطيك العافيه

ذكرتيني بايام زماان

الاليت الزمن يرجع
ولا اليالي تدور
ونرجع لنشايدنا الروعه

يعطيكم العافيه حلووين والله

هههه
والله الأنااشيد كشووخين
يعطيك العافية